Steiktur þorskur með tómötum, ólífum og kapers

Uppskrift fyrir 4
25-30 mín
6 mín

Innihald:

  • 800 g þorskur
  • 1 laukur, skrældur og grófsaxaður
  • 3 hvítlauksgeirar, saxaðir í sneiðar
  • 3 msk kapers
  • 150 ml hvítvín (má nota vatn og safa úr ½ sítrónu)
  • 700 g ókryddaðir tómatar í dós 
  • 80 g ólífur
  • 1 knippi steinselja
  • Ólífuolía         
  • Salt og pipar  

Aðferð:

Steikið laukinn í potti í nokkrar mínútur, bætið þá hvítlauknum, kapersinu, hvítvíninu, tómötum og ólífunum saman við og eldið í u.þ.b. 20 mín.
Smakkið til með salti og pipar og bætið söxuðu steinseljunni saman við. Steikið þorskinn í 3 mín. á hvorri hlið og berið fram. 

Steiktur þorskur með tómötum, ólífum og kapers
Höfundur uppskriftar

Leifur Kolbeinsson

Leifur Kolbeinsson yfirmatreiðslumaður á Marshall veitingahúsi + bar.
Marshall veitingahús er við síldarbryggjuna í Reykjavík og leggur meðal annars áherslu á ferskan fisk.

Vissir þú?

Gullkarfi gýtur lifandi afkvæmum, ólíkt mörgum fisktegundum.