Þorskur í kókos-karrí og íslensku rótargrænmeti

Uppskrift fyrir 4
40-45 mín
20 mín

Innihald:

  • 800 g þorskur
  • 300 ml kókosrjómi
  • 1 tsk karrí
  • ½ teningur grænmetiskraftur
  • ½ laukur, sneiddur
  • ½ grænt epli
  • 2 gulrætur, rifnar
  • 1 rófa rifin (ekki of stór)
  • 5 kartöflur, sneiddar þunnt
  • 2 lúkur grænkál, saxað
  • 2 hvítlauksgeirar, saxaðir
  • 2 bollar rifinn ostur 
  • Salt og pipar 

Aðferð:

Skerið fiskinn í bita og setjið í eldfast form og saltið og piprið yfir. Setjið kókosrjómann, karrí, lauk og epli saman í pott og látið malla í ca. 7 mín. Maukið síðan saman með töfrasprota eða í matvinnsluvél, smakkist til með salti og pipar. Skerið grænmetið og steikið á pönnu. Hellið grænmetinu út í sósuna og blandið saman, hellið yfir fiskinn og dreifið ostinum yfir. Eldið í ca. 1820 mín í 180°C heitum ofni. Borið fram með hrísgrjónum og naan brauði.

Þorskur í kókos og karrý
Höfundur uppskriftar

Oddur Smári Rafnsson

Matreiðslumaðurinn Oddur Smári Rafnsson hefur víðtæka reynslu úr veitingageiranum og hefur meðal annars starfað í Perlunni, hjá Skútunni í Hafnarfirði og hjá Fiskisögu. Hann starfaði einnig sem yfirmatreiðslumaður á Saffran og hannaði matseðil staðarins. Oddur hefur unnið mikið í vöruþróun fyrir innflutningsfyrirtæki og fjölda veitingastaða á Íslandi. Honum finnst fátt skemmtilegra en að matreiða góðan mat og njóta hans með góðu fólki.

Vissir þú?

Bleikja er sá laxfiskur sem lifir nyrst allra laxfiska í heiminum.