Ofnbakaður gullkarfi með bankabyggi og grænmeti

Uppskrift fyrir 4
40-45 mín
10 mín

Innihald:

  • 800 g gullkarfi
  • 2 dl bankabygg
  • 6 dl vatn
  • 200 g spergilkál
  • 200 g blómkál
  • 100 g gulrætur

Aðferð:

Karfinn: Hitið ofninn í 180°C. Setjið fiskinn í eldfast mót eða ofnskúffu og kryddið með salti og sítrónupipar. Bakið í ofni með blæstri í 10–15 mín.

Bankabyggið: Sjóðið á vægum hita í 40 mín. Smakkið til með salti og pipar. Einnig er gott að setja örlítið af ólífuolíu og sítrónusafa saman við og krydda með ferskri steinselju og kóríander.

Grænmetið: Takið spergilkálið, blómkálið og gulræturnar og skerið niður. Sjóðið í léttsöltuðu vatni í 5–10 mín.

Ofnbakaður gullkarfi með bankabyggi og grænmeti
Höfundur uppskriftar

Arnbjörn Arason

Arnbjörn Arason eða Addi eins og hann er kallaður starfar sem matráður í mötuneyti HB Granda við Norðurgarð í Reykjavík. Þar eldar hann hádegismat fyrir um 200 starfsmenn alla virka daga. Í hverri viku er ferskur gullkarfi í matinn og má því segja að Addi sé reynslumikill í eldun á gullkarfa. Vinsælasti rétturinn í mötuneytinu er gullkarfi í raspi og má finna þá uppskrift hér á síðunni. 

Vissir þú?

Stærsta bleikja sem veiðst hefur á Íslandi var 87,5 cm að lengd og um 10 kg að þyngd en tegundin verður þó sjaldnast mikið þyngri en 500g.

Tengdar uppskriftir

Gullkarfi með mexíkósku ívafi
Skoða uppskrift
Ofnbakaður gullkarfi með Ísbúa-kryddjurtasmjöri
Skoða uppskrift
Steiktur gullkarfi með kjúklingabaunum og klettasalati
Skoða uppskrift

Um okkur

Fiskur í matinn er vörulína frá Norðanfiski sem býður upp á ferskan fisk í notendavænum umbúðum og fæst í Bónus. Tegundir línunnar eru karfi, lax og þorskur. Norðanfiskur er framleiðslufyrirtæki sem sérhæfir sig í áframvinnslu sjávarafurða í stóreldhús- og neytendapakkningar. Fyrirtækið var stofnað árið 2001 og hjá því starfa um 30 manns.

Fiskur í matinn á samfélagsmiðlum